Bersih 3.0
Nama pengunjong Bersih tu? Uji kitai sama-sama merati pengawa enggau ulah sidah raban Bersih tu. Penyukung tebal agi bala Melayu ke enda puas ati enggau BN; PAS enggau PKR, penyukung Chinese endang iya ari DAP. Kaban sida tu endang iya mending ka jako lalu arap ka ideology sosialis enggau ngarap ka menoa Malaysia jadi menoa REPUBLIK. Nama kebuah aku nyebut bakanya, 1. sida iya enggai ka ketuai menoa beketuai ka Agong enggau Sultan; 2. Sida iya nuduh Malaysia enda demokratik laban semua mainstream media enggi perintah; 3. SPR jadi talibarut UMNO, laban ko sida SPR lebih ngagai UMNO; 4. Bala polis (PDRM) jadi ukoi UMNO ukai 'neutral'. enggau mayoih agi.
Tang ka bendar sida PKR, DAP enggau PAS endang deka megai menoa, "by hooks or by crook". Enti sida endang bendar amat deka jadi perintah, kita ulih meda cuntoh negeri Kelantan, Selangor, Kedah enggau Pulau Pinang, mayoih amat penanggul. Negeri ka dipegai BN ukai nadai penanggul tang ulih diputar enggau jalai rakyat bantu perintah. Nya meh anang kitai ningga urang ke jual ubat ke kaung-kaung tebing jalan. Iya kati ko dah laban deka ngelaku ka ubat iya.
Sama-sama kita berunding, anang udah tetingkap baru deka engkadah.
Wednesday, May 2, 2012
Monday, December 12, 2011
Ohaa.... sa, dua, tiga, empat, lima enam .. tuuujuh aaaaa... anang guai nyingkang kita aya enggau bulang kaki bejalai, Uji tentang kita anak gantong tengkebang ampang belulai,Ngetu dulu anang bejako kita ke indu serta anang ragak kita nembiak.
Enda aku busong ngelangkah gunong, enda aku tulah ngelangkah tanah, enda aku danjan ngelangkah bulan, enda aku tumbang ngelangkah bintang!
Kaki aku udah bediri di segi besi belumpong, nyawa aku nyapa nyembah di klasah tikai bedong long. Lengan kanan aku ditanggam beringan lanchum selong, pala aku di-bap singkap jalong jabong, blakang aku ditinggang seludang baju burong.
Laban aku tu ukai mungkal ukai nanjal, aku tu endang niti endang nali, baka ijok tampung penduk, baka rutan tampung danan, baka ira tampung lemba, baka wi tampung tali.
Aku ga nyidi singkang bekau kaki, nitih pantap abi jari, pecah periuk tanah ganti periuk tani, padam bulan diganti matahari, parai orang ka tuai ganti tubuh kami, pambu orang ka dulu ganti kami ka dudi.
Nitih ka pekat, nguan adat, ngibun durok kitai bansa, negi ka menira ugama menoa pekat adat 1Malaysia, digaga Datuk Seri Najib, Menteri Besai Menoa MalaysiaNgambika tampak rita, ditemu antu tebilang di dunya.
Nama brita bala kaban menyadi aku? Taun 2011 semak deka abis, nyadi taun 2012 udah ba sukut. Jangka ba taun 2011, mayoih udah dipeda enggau pengulih ka udah di asai. Kita sama bela nemu, tim main bol Malaysia, Harimau Malaya udah nyadi champion maya Asean Games di Jakarta, Indonesia pia mega Negeri Sembilan jadi juara Piala Malaysia.
Enti kitai berati mayoih agi ka udah di ulih kitai, nya alai taun ti deka datai tu ngambi ke ulih nyadi kelai ke pemansang kitai siko-siko. Menoa kitai mansang agi, nya alai anang enda keran agi ngasoh anak kitai angkun agi sekula ngambi bulih pemandai enggau pengelandik. Kita sama bela meda, nembiak rebak dudi enti nadai sekula, anyut meh sekeda kreja kuli deh ngiga urang ka bisi pengelandik jari. Kena aku ngujung ka jako aku, nyadi leka tu ila, kitai sama bulih pengeraja, bulih reta tengkira, bala anak bulih pemandai, bulih diploma, iya ka landik bulih degree enggau Ph. D.... ooohhaa.
Enda aku busong ngelangkah gunong, enda aku tulah ngelangkah tanah, enda aku danjan ngelangkah bulan, enda aku tumbang ngelangkah bintang!
Kaki aku udah bediri di segi besi belumpong, nyawa aku nyapa nyembah di klasah tikai bedong long. Lengan kanan aku ditanggam beringan lanchum selong, pala aku di-bap singkap jalong jabong, blakang aku ditinggang seludang baju burong.
Laban aku tu ukai mungkal ukai nanjal, aku tu endang niti endang nali, baka ijok tampung penduk, baka rutan tampung danan, baka ira tampung lemba, baka wi tampung tali.
Aku ga nyidi singkang bekau kaki, nitih pantap abi jari, pecah periuk tanah ganti periuk tani, padam bulan diganti matahari, parai orang ka tuai ganti tubuh kami, pambu orang ka dulu ganti kami ka dudi.
Nitih ka pekat, nguan adat, ngibun durok kitai bansa, negi ka menira ugama menoa pekat adat 1Malaysia, digaga Datuk Seri Najib, Menteri Besai Menoa MalaysiaNgambika tampak rita, ditemu antu tebilang di dunya.
Nama brita bala kaban menyadi aku? Taun 2011 semak deka abis, nyadi taun 2012 udah ba sukut. Jangka ba taun 2011, mayoih udah dipeda enggau pengulih ka udah di asai. Kita sama bela nemu, tim main bol Malaysia, Harimau Malaya udah nyadi champion maya Asean Games di Jakarta, Indonesia pia mega Negeri Sembilan jadi juara Piala Malaysia.
Enti kitai berati mayoih agi ka udah di ulih kitai, nya alai taun ti deka datai tu ngambi ke ulih nyadi kelai ke pemansang kitai siko-siko. Menoa kitai mansang agi, nya alai anang enda keran agi ngasoh anak kitai angkun agi sekula ngambi bulih pemandai enggau pengelandik. Kita sama bela meda, nembiak rebak dudi enti nadai sekula, anyut meh sekeda kreja kuli deh ngiga urang ka bisi pengelandik jari. Kena aku ngujung ka jako aku, nyadi leka tu ila, kitai sama bulih pengeraja, bulih reta tengkira, bala anak bulih pemandai, bulih diploma, iya ka landik bulih degree enggau Ph. D.... ooohhaa.
Wednesday, January 5, 2011
Selamat Taun Baru 2011
Selamat Taun Baru 2011 enggau Tabi semua,
Sebedau aku ke ujung agi, enda laun jangka aku madah ke "Selamat Taun Baru 2011". Tabi kaban - menyadi ke di Sri Aman, Lubok Antu, Betong enggau di Saratok, nama brita? Baka ni ke pemujur pengawa, buah enggau padi kitai. Amat pan aku udah jauh di Kuala Lumpur, tang ati seruran begulai enggau bala kita. Enda lama ke udah aku tekejut bedar ningga brita Abang Maslie ke udah nadai, sinu aku ningga. Arap ke Roh iya begulai enggau Tuhan, iring ke famili iya enggau beri berkat. Amen
Ngagai bala-bala menyadi, kaban ke lama enda dipeda, sida di Munggu Demam, Ng. Jela, Pakit, Ng. Bunu, nama enda alah sebut. Terus ke pengawa, ransing agi ngambi ke maju baka urang bukai.
Ngagai semua staf di Sri Aman, Lubok Antu, Betong enggau Saratok, anang enda ngirum brita selalu, nombor handphone aku bedau sama.
Pengunjung iya, selalu berhubung au.
casigat,
Kuala Lumpur.
Sebedau aku ke ujung agi, enda laun jangka aku madah ke "Selamat Taun Baru 2011". Tabi kaban - menyadi ke di Sri Aman, Lubok Antu, Betong enggau di Saratok, nama brita? Baka ni ke pemujur pengawa, buah enggau padi kitai. Amat pan aku udah jauh di Kuala Lumpur, tang ati seruran begulai enggau bala kita. Enda lama ke udah aku tekejut bedar ningga brita Abang Maslie ke udah nadai, sinu aku ningga. Arap ke Roh iya begulai enggau Tuhan, iring ke famili iya enggau beri berkat. Amen
Ngagai bala-bala menyadi, kaban ke lama enda dipeda, sida di Munggu Demam, Ng. Jela, Pakit, Ng. Bunu, nama enda alah sebut. Terus ke pengawa, ransing agi ngambi ke maju baka urang bukai.
Ngagai semua staf di Sri Aman, Lubok Antu, Betong enggau Saratok, anang enda ngirum brita selalu, nombor handphone aku bedau sama.
Pengunjung iya, selalu berhubung au.
casigat,
Kuala Lumpur.
Tuesday, June 8, 2010
Gawa di negeri besai Kuala Lumpur
Tabi basa enggau Selamat Gawai 2010,
Jangka aku sampai sari tu bedau ditutup Gawai, bisi sekeda ujung minggu tu 12/6/2010 baru nutup Gawai. Enda salah bisi nutup Gawai, niri ke ranyai kena betundi enggau ngerami diri serumah enti nadai urang bukai datai auk.
Kami sebilik taun tu nadai ngintu Gawai, laban maya nya ba Kuala Lumpur. Lepas Gawai, 4th Jun baru bisi pulai ke menoa, bala kaban enggau urang ke datai udah pulai ke tempat endor diri empu gawa ni enda sunyi maya nya.
Asai aku gawa ba negeri Kuala Lumpur, asai-asai urang kampar ke belelang. Ni enda pia laban kediatu "dis-oriented", famili tinggal, makin jauh ari rumah diri empu. Program "Integrasi" jadi "Dis-Oriented", laban ngasai ke diri udah beumur semak 50 taun, asai ke enggai jauh ari famili. Terubah datai ba KL, seminggu dua "home-sick" enti bisi jambatan nyemerai tasek China Selatan nyau ga driving pulai setiap-tiap minggu.
Maya di KL bisi betemu enggau manyuh bala kitai Iban ari Sarawak, ke gawa di KL enggau ngelilingi Semenanjung baka di Selangor, Perak enggau Johor. Bala kitai tu jangka aku "very mobile" enggau mudah "berhijrah", nitih pengidup deh. Nyadi ngajar kita, ngajar diri empu ga, anak kitai anang enda besekola, generasi ke dudi ela, enda kitai nemu nyangka jauh agi ga pejalai sida iya. Bisi besekola enggau bisi pengelandik mudah agi ngiga pengawa ke tipak ke diri.
Di menoa kita di Sarawak, pengawa bisi tang upah mit, company ke balat endar untung, kuli merinsa. Bisi urang nanya aku suba, kati ko bala Indo ulih idup ngena upah ke mit deh? Sida iya bisi digaga rumah kuli api enggau ai free. Nyadi bala kitai diau ba rumah diri empu, api enggau ai dibayar diri empu. Standard kitai enggau sida iya enda sama, pemakai enggau pengidup lain. Enti company niki ke upah besai agi manyuh bala kitai pulai gawa ba menoa diri empu deh.
Kena aku ngujung ke jako kenang diri, sekali agi aku meri besai terima kasih laban ulih maca. Kitai sama besampi ngambi ke Tuhan Apai begulai enggau kitai di menoa urang, nyaga pengalikun kita, berkat enggau "The Grace of God be with all of us". Amen
Jangka aku sampai sari tu bedau ditutup Gawai, bisi sekeda ujung minggu tu 12/6/2010 baru nutup Gawai. Enda salah bisi nutup Gawai, niri ke ranyai kena betundi enggau ngerami diri serumah enti nadai urang bukai datai auk.
Kami sebilik taun tu nadai ngintu Gawai, laban maya nya ba Kuala Lumpur. Lepas Gawai, 4th Jun baru bisi pulai ke menoa, bala kaban enggau urang ke datai udah pulai ke tempat endor diri empu gawa ni enda sunyi maya nya.
Asai aku gawa ba negeri Kuala Lumpur, asai-asai urang kampar ke belelang. Ni enda pia laban kediatu "dis-oriented", famili tinggal, makin jauh ari rumah diri empu. Program "Integrasi" jadi "Dis-Oriented", laban ngasai ke diri udah beumur semak 50 taun, asai ke enggai jauh ari famili. Terubah datai ba KL, seminggu dua "home-sick" enti bisi jambatan nyemerai tasek China Selatan nyau ga driving pulai setiap-tiap minggu.
Maya di KL bisi betemu enggau manyuh bala kitai Iban ari Sarawak, ke gawa di KL enggau ngelilingi Semenanjung baka di Selangor, Perak enggau Johor. Bala kitai tu jangka aku "very mobile" enggau mudah "berhijrah", nitih pengidup deh. Nyadi ngajar kita, ngajar diri empu ga, anak kitai anang enda besekola, generasi ke dudi ela, enda kitai nemu nyangka jauh agi ga pejalai sida iya. Bisi besekola enggau bisi pengelandik mudah agi ngiga pengawa ke tipak ke diri.
Di menoa kita di Sarawak, pengawa bisi tang upah mit, company ke balat endar untung, kuli merinsa. Bisi urang nanya aku suba, kati ko bala Indo ulih idup ngena upah ke mit deh? Sida iya bisi digaga rumah kuli api enggau ai free. Nyadi bala kitai diau ba rumah diri empu, api enggau ai dibayar diri empu. Standard kitai enggau sida iya enda sama, pemakai enggau pengidup lain. Enti company niki ke upah besai agi manyuh bala kitai pulai gawa ba menoa diri empu deh.
Kena aku ngujung ke jako kenang diri, sekali agi aku meri besai terima kasih laban ulih maca. Kitai sama besampi ngambi ke Tuhan Apai begulai enggau kitai di menoa urang, nyaga pengalikun kita, berkat enggau "The Grace of God be with all of us". Amen
Monday, November 16, 2009
Menoa Kitai, Sama Kita Nyemata???
(foto ari kibanya signagae Sempadan enggau foto ari kanannya jalai ke Indon).
Hi, Nama brita kita wai? Arap ke kitai bela gerai, gayu enggau bulih pengeraja au. Nyadi utai ke disebut aku ianya pasal, pengelikun enggau pemaik menoa kita Malaysia-Indonesia. Bala kitai mega datai ari Indon kelia enggau agi manyoih bala kita ke tinggal din. Tang dunya enggau perintah udah berubah, enti kelia kitai enda nemu dini sempada (garis menoa), minanya urang tu ai tu, sida tu ba bukit tu enggau bala kami ba tinting tu, ia ke dulu datai ia meh empu menoa, nadai sempadan. Maya menoa terubah ia bisi sempadan lepas aum (perjanjian) Belanda-British. Kitai merakak menoa mesti bisi paspot, mesti bisi pemendar enti nadai nya urang "Pendatang Tanpa Izin"(PATI). Deka ditangkap enggau di saman enggau diukum perintah. Enda lama tu tadi, bala kami ari ketua opis ari Sri Aman bisi dibai meda ke sempadan Lubok Antu/Badau. Sapa ke udah kia, tanya aku, kati likun sempadan kita bala menyadi?
(Kereta Curi di Malaysia jadi kereta sapu ke Badau)Enti bala BENDERA nyerang kita ari Sempadan Lubok Antu/Badau, alah kita, enda ibuh ngena peluru, ta bejalai manyoih-manyoih bala sida masuk enda meh ulih ngetan ke sempadan kita. Kebuah pia, pos ke bisi ari sepiak kitai, semina siti (6 iko PGA), ni enda alah kitai. Patut bala Indon manyoih endar di menoa kita, kada enda sidanya bala BENDERA ke nganti masa subotaj menoa kita ni? Enda pia mega kereta-kereta sapu ke Badau manyoih kereta dicuri ari kitai tu.
Sama meh kitai ngemata urang ke datai-pulai ari rumah panjai enggau menoa kita. Jaga pengelikun rumah enggau menoa kita au.
(Gambar bala kami)
Monday, November 9, 2009
Nama brita kita wai? Lama aku enda masuk ba blog tu, sekali agi aku minta ampun au.
Penemu ke dikongsi aku iya, pasal tawar-manawar meli buah rian (durian), laban tu ga musim buah deh. Manya aku mansak urang ke bebeli buah rian, laban rega enda sama enggau sigi baka urang customer endang deka amat betawar enggau komen pasal buah, buah mit, buah matak enggau lusing. Sekali ekstrem amat, customer madah ke buah nadai bebau masau laban agi matak, enggai deh ningga ke nyual.
Nyadi ko iya, "berani entaroh, mun buah durian tu nisik masak", "kita lima, kamek sepuluh, kita buka buah durian". Nadai meh urang berani entaroh deh.
Pia mega ari cerita tebing jalai, anang kelalu ekstrem au, ni enda ringgat bala laban ngema buah ari bukit, au kita tak nyamai madah ke buah bedau masau.
Nyadi kami di Sri Aman ditu, benung musin buah, manyuh macam buah, buah rian, pedalai, lumok, sikup (manggis), langsat, pakan, isu enggau rambutan tang nadai udah meda buah kubal.
Pesan aku, datai meh ke Tamu di Sri Aman, ngambi ke nulong bala urang bejual ngulih ke belanja au.
Penemu ke dikongsi aku iya, pasal tawar-manawar meli buah rian (durian), laban tu ga musim buah deh. Manya aku mansak urang ke bebeli buah rian, laban rega enda sama enggau sigi baka urang customer endang deka amat betawar enggau komen pasal buah, buah mit, buah matak enggau lusing. Sekali ekstrem amat, customer madah ke buah nadai bebau masau laban agi matak, enggai deh ningga ke nyual.
Nyadi ko iya, "berani entaroh, mun buah durian tu nisik masak", "kita lima, kamek sepuluh, kita buka buah durian". Nadai meh urang berani entaroh deh.
Pia mega ari cerita tebing jalai, anang kelalu ekstrem au, ni enda ringgat bala laban ngema buah ari bukit, au kita tak nyamai madah ke buah bedau masau.
Nyadi kami di Sri Aman ditu, benung musin buah, manyuh macam buah, buah rian, pedalai, lumok, sikup (manggis), langsat, pakan, isu enggau rambutan tang nadai udah meda buah kubal.
Pesan aku, datai meh ke Tamu di Sri Aman, ngambi ke nulong bala urang bejual ngulih ke belanja au.
Thursday, January 22, 2009
Gambar Jetropha di Sg. Brangan, Saratok.Selamat Lemai enggau Selamat Bangsa kitai ulih nitih bangsa orang ke maju. Enti keliea, orang betanam getah, kitai ga nitih betanam getah, udahnya orang nanam lada, kitai ga nanam lada, orang nanam kayu jati, titih gak kitai nanam. Nyadi kediatu orang betanam sawit, manyuh gak bala betanam sawit, bisi utai ke disebut Bio-diesel, bisi gak kaban betanam ke jetropha. Ko bala-bala ke ditanya sekayu jetropha tu RM5.00, umbas iya pemesai, hasil iya bedau ditemu tang manyuh bala udah nanam kayu tu. Ba Sri Aman ditu bisi gak bala udah betanam ke kayu jetropha di Temudok, tang aku bedau udah meda, ningga bala ke besebut tu. Iya deka bebuah kira ke 2 tahun, jadi enda salah kita sama-sama betanam. Bisi sawit, bisi getah enggau ke bukai, kira ke 'Diversifai' atau manyuh utai ke ditanam. Manah meh untung sida ke manyuh tanah. Kilang ke proses bio-diesel tu ko sida bisi ila.
Gambar rumah ke tempat orang nupi burung layang. Nyadi tu ga pengawa ka baru, laban ko aku nadai bala kitai udah enggau orang nupi burung layang. Iya ke ditemu aku, kita ngambi sarang burung ba gua, di Batu Niah ba Gua Niah. Ko cherita siko ari bala sida ke nupi burung tu di pasar Roban, untung anang dikira, ribu $$$ tang nya ga katan mesti besai ga, ni enda ngaga rumah endor burung besarang, kita ulih meda ba gambar tu. Bisi gerampung (Persatuan) sida iya, ba perabong rumah bisi speaker, malam dipasang, kena ngagau burung deh. Sida ka ba tebing jalai ngagai Kabong enggau ba Pasar Kabong bisi dipeda rumah-rumah baka tu. Nyangka tu meh pengawa ke deka nguntung, laban manyuh ga bala Cina ke betupi burung layang di Sarikei. Harga sarang burung RM5XXX.XX sekilo gramme (ko siko ari orang ke nupi burung di Roban enggau Kabong becherita enggau aku).Ngagai kaban enggau bala ke bisi tempat enggau bisi katan tau tu neh.
Subscribe to:
Posts (Atom)