Tabi Aya, Ibu, bala Menyadi, Kaban-Belayan semua.
Topik ke deka disebut aku ianya SCORE (Sarawak Corridor Of Renewable Energy). Aku deka bekongsi penemu ke mimit enggau ngelansa ne. SCORE tu udah dipejadi kena 11 Februari 2008 di Bintulu ulih Menteri Besai Malaysia, Datuk Seri Abdullah Ahmad Badawi pun taun tu tadi. Rampak menoa dalam SCORE tu ianya ari Tanjung Manis (Mukah) ngagai Similanjau (Bintulu). Ngambi ke jerita kitai tu nyemetak enggau lantang didingga, dini iya nguntung ke kitai enggau meri pemansang ngagai bangsa.
Meri Kerja
Pemanyuh pengawa atau kerja puang ianya lebih 2 juta. Pengawa puang tu bemacam tang lebih agi bidang teknikal. Jako ke mudah, manyuh kerja baka Drebar, Juru Teknik, Enjineer, profesional Doktor enggau manyuh agi. Enti kita, bala nembiak kitai enda nangkup pengawa tu, nadai meh tak ngemata urang ari luar datai. Ko, planning, bisi kreta api ari Tanjung Manis ngagai Bintulu, sapa ke jadi Drebar, Juru Teknik enggau Enjineernya ila deh.
Pelajar Sekola
Ari diatu kitai apai-indai, bala tuai anang enda angkun ngasoh bala nembiak kitai mansang ba sekola enti enda ulih masuk Universiti, minta masuk sekola Teknikal(SM Teknik) enggau Politeknik. Tu aja meh cara bangsa kita ulih nitih bangsa urang, urang udah dua-tiga singkang dulu tang kita baru deka bejalai, enda ngawa ga, asa ga kita muka singkang.
Mulut Chabul
Bisi ga bala kitai landik bejako manyuh penemu, tang bejai ke urang, iya aja ke nemu, iya aja ke betul, urang semua salah enggau bebai bala bukai nitih iya. Enti bakanya, nadai meh kita udah meda suba bisi Parti ke tau nyerakup bangsa tang utai mit tau ga nyadi laya. Sapa ke rugi, kitai ke sama nerima penyai, bisi rumah panjai pecah dua-tiga, kaban enda enggau sepemakai agi, diketawa ke urang. Ari tu sama-sama meh berunding, pujur ka, anang ingat ke laya suba, fokus kita ke pemansang bangsa, anang semina nemu nyabung laya tang sama-sama mai enggau ngangkat bangsa.
Buah Merdeka
Ari tu kitai sama-sama nerang enggau ngelalau ke nembiak kita ngemansang ke diri serta maju dalam sekola. Anang kita mata aja meda urang enggau ninga cerita urang tang ga enggau urang berebut nerima buah MERDEKA. Aram meh !!!
Enti Malaysia Boleh, Sarawak Boleh, BANGSA KITAI PAN ULIH.
